Hunauvita

Tapkuat Nunavut Imaligiyit Katimayit (Imaligiyit), tapkuat Inungnut Kavamagiyauqatauyut (Kavamagiyauqatauyut) pinguqtauhimayut malikhugit tapkuat Nakataani 13 tapkunani Nunavutagutauyunut Angigutit (Nunavutagutit) pinguqhimayut talvani Julai 9, 1996-mi. Havaqaqtut hakugikniqaqhutiklu tapkuat atuqtauniinik, aulatauniinik maligaliuqniiniklu nunamiittut imait Nunavutmi tapkuatlu pinahuaqtai piqaqtitniinik tapkuat haputiyaunii atuqtaupkaqniilu imait Nunavutmi-kihimiuyuq tapkunaniungittuq Kanatamiunut minguiqhiqvikni-pitquhiqaqhutik tapkuat piqaqtitniinik nakuuniqhamik ihuaqutauniinik tahapkununga nunaliuyunut Nunavutmi piluaqtumik tapkuatlu Kanatamiut quyagitnaq.

Tapkuat Imaligiyit aulayut ataqpiaqhimaittumik tapkunangat kavamauyuniyt ahiiniytlu ilagiinit tapkuatlu ilauyut anginiqhamut aulattiniqmun aulattiyinut ilaqaqtunik ahiinik Kavamagiyauqatauyunik tahapkuatut Nunavut Nunap Qangani Piyungnauhiligiyit Apiqhuiyigalaat, tapkuat Nunavut Avatiligiyit Katimayit tapkuatlu Nunavut Parnaiyiit Katimayit, tapkuatluttauq ahii nunamut piqaqniinutlu aulattiyit timingi tapkuatut Nunavut Uumayuligiyiqyuat Katimayit, Nunaliit Aviktuqhimaniinut Uumayuligiyit Timingi, tapkuatlu nunalikni Anguhiqiyit Katimayiit.