Laisakhanut Tukhigaqniq

Tukhigautit imaqmut laisakhanut tuniyauyagialgit tapkununga Imaligiyinut atuqlugit atuquyauyut titigaqvikhat, ilagilugit atulaqata ilagiagutikhat apiqhugutit tapkuatlu tukhigautit akikhai. Pityutigilugit atugiaqaqniinut tapkuat nunap atuqniinut avatiliginiqmutlu naunaiyaqnii, tamna laisaliginiqmut pityuhiq pigiaqpaktuq taphuma Laisaliginiqmut Aulattiyi iniqhimanigaqagit tapkuat tukhigautit. Atuqpakniqhat, tapkuat Imaligiyit pityuhii malikpaktut pityuhiinik aulattiniqmik maligaqnik piplugit ilitquhii maligait pitquhiitlu ayyikkiktitiniqmik:

- Tukhigaut iniqnigatainagangat, tapkuat Imaligiyit tuhaqhitniaqtai inuit quyagitnaq tamna tukhigaut pivikhaqaqviginianik piyumayunut hatqiqtitiviginianik taihimayumi pivikhaani. Tapkuat Imaligiyit hugialimaitai tukhigautit utaqilugu avatitlu qulitlu uplut kinguagut inungnik tuhaumatitilgaqlutik, kihimik, ihumagikpagit tapkuat Imaligiyit, igininaqtuqaqat pityutiqattiaqtumik tapkuat Imaligiyit hugiaqnikhanut hivikitqiyamik.

- Inungnik naalaktitiniq atugiaqaqat, tapkuat Imaligiyit havagiaqniaqtat tamna tukhigaut piyaukpat nunamut atuqnianut upalungaiyaut havaguhia avatiliginiqmutlu naunaiyainiq iniqata. Taimaittuni, tapkuat Imaligiyit tuhaqhittiniat inungnik tamna naalaktitiniqmik ikitniqhani inuit pingahut avatai uplunik hivuagut taphuma uplukhata naalakvikhaq piqaqtitilutiklu inungnut tamaitnik tuhaqtakhanik tugangayunik tukhigautmut naamaktumik pivikhanik hivuani naalaktitiniahaqniani. Kinguagut naalakviup, tapkuat Imaligiyit tunihiniat laisamik, tamnalu Minihitauyuq pivikhaqaqniaq innuk malguk avatainik uplunik angiqnianut qiluknianutluniit laisakhaq.

- Inungnik naalaktitiyaqangitpan, tapkuat Imaligiyit naunaiyainiat tamaitnik tuniyauyunik atuqniani taihimayuq pivikha piqaqtitilutiklu tukhigaqtumik ilauyumayuniklu inungnik pivikhainik kiuniqmut tapkununga ahiinut ilauyumayunut tuniyainik, tamnalu tukhigaqtuq pivikhaqaqtitauluni kinguliqpaamik kiuniqmik.

- Tapkuat Imaligiyit naunaiyainiat tamaitnik tuniyauyunik tunihilutiklu Qanugitnia B laisamik.

Laisaliginiqmut Pityuhiq