ᓱᓇᐅᕕᑕ

ᑖᑉᑯᐊᑦ ᐃᒪᓕᕆᔨᑦ ᑲᑎᒪᔨᑦ (ᐃᒪᓕᕆᔨᑦ), ᐃᓄᖕᓄᑦ ᑲᕙᒪᒋᔭᐅᖃᑕᐅᔪᑦ (ᑲᕙᒪᒋᔭᐅᖃᑕᐅᔪᑦ) ᐱᖑᖅᑕᐅᓯᒪᔪᑦ ᒪᓕᒃᖢᒍ ᐃᓚᖓᓂ 13 ᓄᓇᕗᑖᕈᑎᓄᑦ ᐊᖏᕈᑎᓂ (“ᓄᓇᕗᑖᕈᑎᑦ”), ᐱᖑᖅᑕᐅᓯᒪᔪᑦ ᑕᓪᕙᓂ ᔪᓚᐃ 9, 1996. ᐱᓕᕆᐊᖃᖅᑐᑦ ᓴᖏᓂᖃᖅᖢᑎᒃᓗ ᑕᒪᑯᓄᖓ ᐊᑐᖅᑕᐅᓂᖏᓄᑦ, ᐊᐅᓚᑕᐅᓂᖏᓄᑦ ᐊᒻᒪᓗ ᒪᓕᒐᓕᐅᖅᓂᖏᓄᑦ ᓄᓇᒦᑦᑐᑦ ᐃᒪᐃᑦ ᓄᓇᕗᒥ ᐊᒻᒪᓗ ᐱᓇᓱᒃᑕᖏ ᐱᑕᖃᖅᑎᑦᓂᖏᓄᑦ ᑕᒪᑯᐊᑦ ᓴᐳᑎᓯᒪᓂᖏᓄᑦ ᐊᒻᒪᓗ ᐊᑐᖅᑕᐅᓂᖏᓄᑦ ᐃᒪᐃᑦ ᓄᓇᕗᒥ--ᑭᓯᒥᐅᑎᑦᓗᒍ ᑲᓇᑕᒥᐅᑕᓗᒃᑖᓄᑦ ᒥᖑᐃᖅᓯᖅᕖᑦ--ᐱᓕᕆᑦᔪᓯᖃᖅᓗᑎᒃ ᑕᒪᑯᐊᑦ ᐱᑕᖃᖅᑎᑦᓂᖏᓄᑦ ᐊᑲᐅᓂᖅᓴᓂᒃ ᐃᖢᐊᖁᑎᖏᓄᑦ ᓄᓇᓕᐅᔪᑦ ᓄᓇᕗᒥ ᐱᓗᐊᖅᑐᒥᒃ ᐊᒻᒪᓗ ᑲᓇᑕᒥᐅᓗᒃᑖᓄᑦ.

ᑖᑉᑯᐊᑦ ᐃᒪᓕᕆᔨᑦ ᐊᐅᓚᔪᑦ ᐃᓚᐅᒪᕆᖏᑦᓗᑎᒃ ᑲᕙᒪᐅᔪᓂᑦ ᐊᒻᒪᓗ ᐊᓯᖏᓂᑦ ᐱᖃᑕᐅᔪᓂᑦ ᐊᒻᒪᓗ ᐃᓚᐅᔪᑦ ᐊᖏᓂᖅᓴᒧᑦ ᐊᐅᓚᑦᑎᓂᖅᒧᑦ ᐱᓕᕆᐊᖃᖅᑐᓄᑦ ᐃᓚᖃᖅᑎᑦᓗᒋᑦ ᑖᑉᑯᐊᑦ ᐊᓯᖏ ᐃᓄᖕᓄᑦ ᑲᕙᒪᒋᔭᐅᖃᓴᐅᔪᑦ ᑕᒪᑯᐊᕋᓗᐃᑦ ᓄᓇᕗᑦ ᓄᓇᑉ ᖃᖓᓂ ᐱᔪᖕᓇᐅᓯᓕᕆᔨᑦ ᐊᐱᖅᓱᐃᔨᕋᓛᑦ, ᓄᓇᕗᑦ ᐊᕙᑎᓕᕆᔨᑦ ᑲᑎᒪᔨᑦ ᐊᒻᒪᓗ ᓄᓇᕗᑦ ᐸᕐᓇᐃᔩᑦ ᑲᑎᒪᔨᑦ, ᐊᒻᒪᓗᑦᑕᐅᖅ ᐊᓯᖏ ᓄᓇᒧᑦ ᐊᒻᒪᓗ ᐱᑕᖃᖅᓂᖏᓄᑦ ᐊᐅᓚᑦᑎᔨᑦ ᑎᒥᖏ ᑕᒪᑯᐊᑐᑦ ᓄᓇᕗᑦ ᐆᒪᔪᓕᕆᔨᖅᔪᐊᑦ ᑲᑎᒪᔨᑦ, ᓄᓇᓖᑦ ᐊᕕᒃᑐᖅᓯᒪᓂᖏᓄᑦ ᐆᒪᔪᓕᕆᔨᑦ ᑎᒥᖏ, ᐊᒻᒪᓗ ᓄᓇᓕᒃᓂ ᐊᖑᑎᒃᓴᓕᕆᔨᑦ ᑲᑎᒪᔨᑦ.